Kókshetaýlyq ekstremal Aıaz ata jeli qoldanýshylaryn tań qaldyrdy
KÓKShETAÝ. QazAqparat - Kókshetaýda kópqabatty turǵyn úıdiń shatyrynan túsip, terezeden balalarǵa syılyq úlestirgen Aıaz ata jeli jurtty tań qaldyrdy, dep habarlaıdy QazAqparat tilshisi.
Jelide taraǵan vıdeodan Aıaz ata kıimin kıip alǵan er adamnyń kóp qabatty turǵyn úıdiń shatyrynan arqanmen túsip, joǵary qabattaǵy pəterlerdiń biriniń terezesi tusynda ilinip turǵanyn baıqaýǵa bolady.
Jeli qoldanýshylary estremaldy Aıaz atanyń qylyǵyna tańdanyp, rızashylyqtaryn bildirip jatsa, endi biri bul óte qaýipti ekenin eskertýde.
Al, vıdeony júktegen Instagram qoldanýshysy Aıaz atanyń ózi attestatsııalaýdan ótken kəsibı maman ekenin aıtýda.
