Kókshetaýlyq dzıýdoshy respýblıkalyq jarysta «altyn» aldy
KÓKShETAÝ. QazAqparat - Kókshetaýlyq dzıýdoshy Elaman Jylqaıdarov respýblıkalyq týrnırde altyn medalǵa qol jetkizdi, dep habarlaıdy QazAqparat tilshisi.
Oblystyq deneshynyqtyrý jáne sport basqarmasynyń baspasóz hashysy Mahabbat Bolshınanyń sózinshe, Qaraǵandy qalasynda dzıýdodan respýblıkalyq týrnır ótti. Jarysqa 60 keli salmaqqa deıingi elimizdiń ár óńirinen kelgen myqty sportshylar qatysty. Qaraǵandydaǵy dzıýdo mektebiniń tatamıine halyqaralyq jarystarda elimizdiń kók týyn jelbiretken ataqty sportshylar talaı ret shyǵyp, jeńis tuǵyrynan kóringen edi.
Olardyń arasynda 2004 jylǵy Azııa chempıony, 2004 jylǵy Afına olımpıadasyda úzdik bestikte bolǵan Bazarbek Donbaı, Azııa chempıony jáne 2005 jyly Álem chempıonatynda 5-shi orynnan kóringen Salamat Otarbaev, jastar arasynda Álem chempıony, Álem kýboginiń jeńimpazy, «Úlken shlem» jáne «Gran-prı» týrnırleriniń birneshe dúrkin jeńimpazy Eldos Sámetov sııaqty sport tarlandar bar.
«Bul joly kókshetaýlyq talantty dzıýdoshy Elaman Jylqaıdarovtyń baǵy janyp, altyn medalǵa qol jetkizdi», - deıdi Mahabbat Bolshına.
Aıta ketý kerek, Elaman Jylqaıdarov balalar men jasóspirimderdiń mamandandyrylǵan olımpıadalyq rezerv sport mektebiniń tárbılenýshisi.
