Kókshetaýlyq búldirshin respýblıkalyq festıvalde gran-prı jeńip aldy
KÓKShETAÝ. QazAqparat- Kókshetaýlyq búldirshin respýblıkalyq festıvalde gran-prı jeńip aldy, dep habarlaıdy "QazAqparat" HAA tilshisi oblystyq bilim basqarmasynyń baspasóz qyzmetine silteme jasap.
QR Bilim jəne ǵylym mınıstrliginiń uıymdastyrýymen «Mektepke deıingi balalyq shaq» respýblıkalyq ortalyǵynda ótken «Uly dala urpaqtary» balalardyń shyǵarmashylyq festıvaline elimizdiń ər óńirinen kelgen qalalyq, aýdandyq jəne oblystyq shyǵarmashylyq baıqaýlarda top jarǵan balalar qatysty.
Sharanyń maqsaty- «Máńgilik El» ıdeıasyn iske asyrý aıasynda mektep jasyna deıingi balalardyń shyǵarmashylyǵyn qoldaý jáne nasıhattaý bolyp tabylady.
Festıval jeńimpazdary «Jeztańdaı ánshi» (balalardyń patrıottyq ánderi), «Kórkem sóz sheberi» (óleń, maqal-mátelder), «Myń buralǵan bıshi» (balalar bıi), «Qólóner sheberi» (balalardyń beıneleý jáne qoldanbaly shyǵarmashylyǵy), «Úzdik qoıylym» (teatrlandyrylǵan qoıylym) atalymdary boıynsha anyqtaldy.
Aqmola oblysynan barǵan 50-den astam balanyń arasynda Kókshetaýdaǵy «Juldyz» balabaqshasynyń tərbıelenýshisi Tomırıs Ospanova «Jeztańdaı ánshi» nomınatsııasy boıynsha birinshi oryn aldy.
Eske sala keteıik, osynyń aldynda ǵana atalmysh balabaqsha tárbıeshisi Aıgúl Qabdýllınova mektepke deıingi uıymdar arasyndaǵy respýblıkalyq baıqaýynda birinshi orynǵa ıe bolyp, «Úzdik balabaqsha tárbıeshisi» jáne «Úzdik maman» medalin aldy.
