Kókshetaýlyq boksshylar Reseıden 4 altyn oljalap qaıtty
KÓKShETAÝ. QazAqparat - Kókshetaýlyq boksshylar Reseıdiń Omby qalasynda Keńes odaǵynyń sport sheberleri Oleg Radchenko men Oleg Markınniń qurmetine bokstan ótken halyqaralyq týrnırde 7 medalǵa qol jetkizdi, onyń ishinde 4-eýi altyn, dep habarlaıdy QazAqparat tilshisi.
Aqmola oblystyq dene shynyqtyrý jáne sport basqarmasy baspasóz qyzmetiniń málimetinshe 2000-2001 jyldary týǵan jasóspirimder arasynda ótken boks týrnırine barlyǵy 200 bylǵary qolǵap sheberi qatysqan.
Onyń ishinde №3 oblystyq mamandandyrylǵan balalar men jasóspirimderdiń olımpıadalyq rezerv mektebiniń shákirtteri 49 keli salmaq boıynsha Álıhan Minaıdarov, 52 salmaq boıynsha Ǵalym Myrzataev, 60 keli salmaq boıynsha Erqanat Arystanǵalı jáne 75 keli salmaq boıynsha Adam ıAndıev birinshi oryn aldy. Oǵan qosa, Arlan Qudaıbergen, Shyńǵys Mýsınov jáne Ernaz Rahmetýllın de jaqsy óner kórsetip, júldeli úshinshi orynǵa turaqtady.
