Kókshetaýlyq boksshy Ýkraınadaǵy halyqaralyq týrnırde jeńimpaz atandy
KÓKShETAÝ. QazAqparat - Kókshetaýlyq sportshy halyqaralyq boks týrnırinde jeńimpaz atandy, dep habarlady oblystyq ishki saıasat basqarmasynyń óńirlik kommýnıkatsııalar qyzmetinen.
«Ýkraınanyń Berdıchev qalasynda aǵaıynda Klıchkonyń qurmetine jastar arasynda bokstan halyqaralyq týrnır ótti. Oǵan 14 elden barǵan sportshylar qatysty.
Qazaqstan quramasy sapynda 52 keli salmaqta qolǵap túıistirgen kókshetaýlyq Orazbek Asylqulov altyn medalǵa qol jetkizdi. Kókshetaýdaǵy Qajymuqan atyndaǵy №3 oblystyq balalar men jasóspirimderdiń sport mektebiniń tárbıelenýshisi Orazbek Belarýs, Armenııa jáne Ýkraına boksshylaryn aıqyn basymdyqpen jeńdi.
Jalpy, komandalyq esepte Qazaqstan quramasy 2 altyn jáne 4 qola medalmen ekinshi orynnan kórindi.
Qazirgi kezde, Orazbek aldaǵy 17-26 qarasha kúnderi Sankt-Peterbor qalasynda ótetin álem chempıonatyna daıyndyǵyn bastap ketti», delingen habarlamada.
