Kókshetaýlyq bıshiler «DANCE QUALITY - 2018» týrnırinde júldeger atandy
KÓKShETAÝ. QazAqparat - Kókshetaýlyq bıshiler «DANCE QUALITY - 2018» halyqaralyq sporttyq-bı týrnıriniń júldegeri atandy, dep habarlaıdy QazAqparat tilshisi oblystyq dene shynyqtyrý jáne sport basqarmasynyń baspasóz qyzmetine silteme jasap.
Almaty qalasynda ótken jarysqa Qazaqstan, Qyrǵyzstan jáne Ózbekstan Respýblıkalarynan jınalǵan myqty bıshiler qatysyp, latynamerıkalyq bı boıynsha baq synady.
Onyń ishinde Kókshetaýdaǵy mamandandyrylǵan balalar men jasósipirmderdiń sport mektebi jáne «Reverans» klýbynyń tárbıelenýshileri ekinshi jáne úshinshi oryn aldy.
Jumabek Nurbolat pen Aqerke Rahmetýllınanyń juby «E» sanaty jáne latyn bıinen ekinshi, «ıÝvenal 2» alty bı baǵdarlamasy boıyna úshinshi oryn aldy.
Al, Amanjol Mádı men Mılana Zaıtseva «ıÝvenal - «E» sanatynda alty bı nátıjesi boıynsha besinshi orynǵa turaqtady.
Aqmola oblysynyń bı sporty federatsııasynyń basshysy Elmıra Sháripovanyń aıtýynsha, óńirde sporttyq bı óneri jyl ótken saıyn qarqyndy damyp keledi.
«Aqmola oblysynda jastardyń sporttyq bıge degen qyzyǵýshylyǵy erekshe. Básekeniń arqasynda bıshilerdiń kásibı sheberligi shyńdalyp, respýblıkalyq jáne halyqaralyq jarystarda top jaryp júr», - dep atap ótti Elmıra Sháripova.
