Kókshetaýlyq bı juby halyqaralyq týrnırdiń jeńimpazy atandy
KÓKShETAÝ. QazAqparat - Kókshetaýlyq bı juby Reseıdiń Ekaterınbýrg qalasynda ótken halyqaralyq týrnırdiń jeńimpazy atandy. Bul týraly QazAqparat Aqmola oblystyq dene shynyqtyrý jáne sport basqarmasynyń baspasóz qyzmetine silteme jasap habarlaıdy.
Vedomstvonyń málimetinshe, sporttyq bıden «Eýropa Azııa kýbogy 2019» 19- halyqaralyq týrnırine Qazaqstan jáne Reseıden jınalǵan 2500 jýyq bı juby qatysyp, óner kórsetti.
Úsh kúndik jarysta jastar sanatynda latyn bıimen synǵa túske Nurbek Sultanov pen Olga Orlovanyń juby chempıon atansa, Maksım Shevchenko men Madına Amanjolova úshinshi oryn aldy. Al, jasóspirimder sanatynda Bogdan Rýchka men Amal Baısalbaeva ekinshi orynǵa laıyq dep tanyldy.
«Bul týrnırge biz jyl saıyn qatysamyz. Alǵashqy sporttyq qadamymyzda de osydan bastaldy. Bul óte tartysty týrnır. Bizdiń ul-qyzdarymyz barynsha kásibı sheberlikterin kórsetýge tyrysty», - deıdi «Reverans» sporttyq-bı klýbynyń jetekshisi Elmıra Sharıpova.
