Kókshetaýlyq basketbolshy qyzdar ýkraınalyqtardy utty (FOTO)
KÓKShETAÝ. QazAqparat - Kókshetaý qalasynyń «Oqjetpes» qyzdardyń basketbol komandasy úılerinde odessalyq «Interkhim-SDUSSHOR-2» komandasyn jeńdi, dep habarlaıdy Aqmola oblystyq ishki saıasat basqarmasynan.
Baltyq qyzdar basketbol lıgasy (BÁBL) aıasynda Şýchınsktegi «Jaqsy» sporttyq bazasynda «Oqjetpes» (Kókshetaý) komandasy men «Interhım» oınady (Ýkraına).
Birinshi oıyn 91:65 esebimen, ekinshi oıyn - 78:75 esebimen aıaqtaldy. Eki kezdesýde kókshetaýlyq boıjetkender úzdik tanyldy.
Sońǵy kúni ýkraınalyq vıtse-chempıondar birinshi taımnan keıin basymdyǵyn on upaıǵa asyrǵan: 58:48. 34-shi mınýtta «Oqjetpes» 66:64 esebimen alǵa shyǵyp, oıynnyń sońyna deıin kósh bastap turdy. Kókshetaýlyq basketbolshy Alına ıAgýpova osy maýsymdańy eń joǵarǵy 41 upaıdy kirgizdi.
Osylaısha, Kókshetaýdaǵy «Oqjetpes» áıelderdiń basketbol komandasy «A» tobynyń oıyn kestesinde úshinshi orynǵa turaqtady.
Jańa maýsymda BÁBL chempıonynyń ataǵy úshin Qazaqstan, Belarýs, Latvııa, Ýkraına, Lıtvanyń 10 komandasy baq synasady.
