Kókshetaýlyq áıel tanysynyń bankomattaǵy aqshasyn bildirtpeı urlaǵan
KÓKShETAÝ. QazAqparat - Kókshetaýda 1946 jyly týǵan tanysynyń bankomattaǵy aqshalaryn úptep kelgen 27 jastaǵy kelinshek ustaldy, dep habarlaıdy QazAqparat tilshisi.
Oblystyq ІІD baspasóz qyzmetiniń málimetine qaraǵanda, 12 qyrkúıek kúni Kókshetaý qalalyq ІІB polıtsııa bólimine 1946 jylǵy astanalyq er adam aryzdanyp, bank kartochkasynda saqtalǵan 300 myń teńge aqshasynyń joǵalǵanyn aıtqan. Bir qyzyǵy bank kartochkasy er adamynyń ózinde bolǵan.
«Zardap shegýshi aqshasy joǵalǵan kúni polıtseılerge óziniń tanysymen otyrys jasaǵanyn aıtty. Tergeý amaldary barysynda osy qylmysqa qatysy bar 27 jastaǵy kúdikti ustaldy. Keıin belgili bolǵandaı kúdikti tanysy uıyqtap jatqan kezde, bank kartochkasyn jymqyryp, jaqyn mańdaǵy bankomattan aqshany sheship alǵan. Sonymen qatar, kelinshek zardap shegýshiniń ózge bank kartochkasynan da 300 myń teńge aqshany bólip-bólip alyp otyrǵany anyqtaldy», - dep túsindirdi polıtseıler.
Qazirgi kezde, osy oqıǵaǵa baılanysty QR QK 188-babynyń 2-bólimi boıynsha qylmystyq is qozǵaldy.
