Kókshetaýlyq Ashat Ǵaleev kıokýshınkaı-kan karateden álem chempıony atandy

Jerlesimiz aqtyq kezdesýde Reseı chempıony Vladımır Bejenardy nokaýtpen jeńdi. Ashat kýmıte tásili boıynsha 1 oryn, kata tásili boıynsha 2 orynnan kórindi. QR Mádenıet jáne sport mınıstrliginiń qoldaýymen Astanadaǵy «Dáýlet» sport saraıynda ótken týrnırge Qazaqstan jáne Reseıden kelgen 300 jýyq sportshy qatysty. Onyń ishinde Azamat Tákenov pen Fedor ıÝn jattyqtyratyn Aqmola oblysynan barǵan sportshylardyń sapynda bolǵan 30 keli salmaqqa deıingi 8-9 jastaǵy balalar arasynda Sergeı Dýhov (1 oryn), aýyr salmaqtaǵy áıelder arasynda Sabyrhan Álemgúl (1oryn), 75 salmaqqa deıingi erler arasynda Berik Qurmanǵalıev (1oryn), jasóspirimder arasynda Mıras Erjanov (2 oryn) Ásem Muhamedjarova (3 oryn) jeńiske jetti. Sonymen qatar «KAZAKHSTAN OPEN» halyqaralyq týrnıri barysynda 2015 jyldyń qorytyndysy boıynsha Kıokýshınkaı-kan Karateniń Ulttyq Respýblıkalyq fılıalynyń Aqmola fılıaly eń úzdik dep tanyldy.