Kókshetaýlyq 74 jastaǵy qarııa álem chempıony atandy
KÓKShETAÝ. QazAqparat - Kókshetaýlyq 74 jastaǵy qarııa Borıs Nuǵymanov kir tasyn kóterýden álem chempıony atandy, dep habarlaıdy QazAqparat tilshisi.
Aqmola oblystyq dene shynyqtyrý jáne sport basqarmasy baspasóz qyzmetiniń málimeti boıynsha, Koreı eliniń Seýl qalasynda kir tasyn kóterýden álem chempıonaty ótti. Baıraqty básekege 34 elden kelgen 500-den astam atlet qatysty. Olardyń arasynda kókshetaýlyq sportshylar abyroıly óner kórsetti. 70-74 jastaǵy qarııalar arasynda synǵa túsken Borıs Nuǵymanov julqa jáne silke kóterý ádisteri boıynsha álem chempıony atandy.
«Bul ádister boıynsha kir tasyn kóterý óte qıyn. Keýde, qol bulshyq etterine salmaq túsedi», - deıdi B.Nuǵymanov.
Sonymen qatar, ardager qossaıys boıynsha ekinshi orynan kórindi.
Qarııa kir tasyn kóterýden basqa aǵymdaǵy jyly ziltemirdi jatyp kóterý boıynsha Qazaqstan chempıony atandy.
Endi keler jyldyń mamyr aıynda Býdapesht qalasynda ótetin Eýropa chempıonatynda daıyndyqty bastap ketti.
