Kókshetaýlyq 4 synyp oqýshysy «Goldberg mashınasyn» qurastyryp shyǵardy

Ónertapqysh birinshi oryn alyp, 150 myń teńgege ıe boldy, dep habarlaıdy QazAqparat tilshisi Kókshetaý qalasyndaǵy «Nazarbaev zııatkerlik mektepteri» NIM baspasóz qyzmetine silteme jasap.

Kókshetaý qalasyndaǵy fızıko-matematıka baǵytyndaǵy Nazarbaev zııatkerlik mektebiniń tórtinshi synyp oqýshysy Alıdar Eskendirov «Goldberg mashınasy» jelilik otbasylyq baıqaýynda birinshi oryn ıelendi.

«Goldberg mashınasy» domıno qaǵıdasy boıynsha ár bólshegi bir birimen árekettese otyryp jumys isteıtin qurylǵy. Buny kóbine ınjenerler men áýesqoılar ermek etedi, sondaı – aq, balalar fılmi men komedııada kezdesedi», – deıdi vedomstvodan.

Baıqaýǵa qatysý úshin Eskendirovterdiń otbasyna «Qoldy dızenfetsııalaý – densaýlyq kepili» taqyryby usynylǵan. Sol sebepti, olar eń sońynda antıseptık dozatoryn basatyn mashına qurastyrý tıis bolatyn.

«Bizdiń komanda «GRıM» dep ataldy. ıAǵnı, Grom, Raskat jáne Molnııa». Óıtkeni, sharıkterdi jibergende, domalaǵan qatty daýysy shyǵyp, artynsha naızaǵaıdyń dúrsili estiledi. Jobany daıyndaýǵa biraz ýaqyt ketti. Soǵan oraı, ákemiz ekeýimizdiń eńbegimiz aqtaldy», – deıdi jas ónertapqysh.

Kókshetaý qalasyndaǵy NIM dırektory Zýlfııa Orazbekova jeńimpazdarǵa 150 myń teńgeniń sertıfıkatyn tapsyrdy. Alıdar óte talantty, belsendi oqýshy. Ol 5 jastan robototehnıka úıirmesine qatysyp kelde jáne keleshekte ınjener-ónertapqysh bolýdy armandaıdy.