Kókshetaýlyq 100 stýdent jas memlekettik qyzmetshiler mektebin bitirdi
Vedomstvonyń málimetinshe, QR Memlekettik qyzmet isteri agenttiginiń Aqmola oblysy boıynsha departamentiniń basshysy Bergen Bespalınov oblys ortalǵyndaǵy joǵary oqý ornyndaǵy Jas memlekettik qyzmetshiler mektebiniń túlekterine sertıfıkat tabys etti. Bul 100-ge jýyq stýdent bir aı boıy tájirıbeli mamandardan bilim alyp, memlekettik apparat jumysymen tanysty.
«Kez kelgen adamnyń ómirinde mamandyq tańdaýdyń mańyzy zor. Búginde memlekettik qyzmettiń jańa modelin damytý úshin barlyq jaǵdaı jasalǵan. Mektepte oqytý aıasynda biz sizder úshin eń qyzyqty baǵdarlamany tańdaýǵa tyrystyq. Memlekettik qyzmet salasyndaǵy negizgi trendter týraly aıtyp berdik. Budan ári sizder óndiristik tájirıbeden ótesizder, al ony uıymdastyrýǵa kómektesemiz. Osy máselege muqııat qaraýlaryńyzdy suraımyn. Bıylǵy jyly alǵash ret osynshalyqty kóp tyńdaýshylardy jınaǵanymyz qýantady» - dep Bergen Bespalınov atap ótip, stýdentterge aldaǵy dıplom jobasyn qorǵaýda sáttilik tiledi.
Óz kezeginde ýnıversıtet prezıdenti, aýyl sharýashylyǵy ǵylymdarynyń doktory, professor, akademık Saǵyntaı Elýbaev departamenttiń stýdentterdiń qosymsha bilim alýy jáne jańa daǵdylardy ıgerýi máseleleri boıynsha yntymaqtastyǵyn atap ótti. Onyń aıtýynsha, mektepte oqytý bolashaqta kásibı qyzmetti tańdaýǵa áser etedi.
Esterińizge sala keteıik, jas memlekettik qyzmetshiler mektebi daryndy jastardy memlekettik qyzmetke tartýǵa, sondaı-aq memlekettik organdarda jumys isteý daǵdylaryna ıe bolýǵa múmkindik beredi.
