Kókshetaýǵa jaýǵan qar qala turǵyndaryn ábigerge saldy
KÓKShETAÝ. QazAqparat - Kókshetaýda túnde tolassyz jaýǵan qar qalany aq ulpaǵa kómkerip tastady. Tańerteń qar erip, úlken shalshyq sýlar paıda bola bastady. Qalanyń ortalyq kóshelerinde kólik keptelister oryn alýda. Osynyń saldarynan turǵyndardyń júrip-turýy men kólik qatynasy qıyndady, dep habarlaıdy QazAqparat tilshisi.
Sınoptıkter aldaǵy kúnderi aýa raıy jylynatynyn aıtýda. Qazirgi kezde Kókshetaýda aýa temperatýrasy -1 gradýsty kórsetip tur.
Eske salaıyq, 19 qazan kúni Qazaqstannyń basym bóliginde aýa raıy qubylmaly bolyp, kóp jerlerde jaýyn jaýatyny eskertilgen edi. Sondaı-aq jekelegen aýmaqtarda jel kúsheıip, tuman, kóktaıǵaq bolady.
