Kókshetaýdyń ústinen ushqan tikushaq turǵyndardy alańdatty

KÓKShETAÝ. QazAqparat- Kókshetaýdyń ústinen ushqan tikushaq turǵyndardy alańdatty, dep habarlaıdy QazAqparat tilshisi.

Qalanyń ústinen birneshe ret aınalyp ótken tikushaqty kórgen turǵyndar áýeden bir zat shashyp júr dep alańdaǵan-dy.

Aqmola oblystyq ishki saıasat basqarmasynyń málimetinshe, Kókshetaý qalasynda qazan aıynyń 9-23 kúnderi aralyǵynda Aqmola oblysynyń terrorızmge qarsy kúres jónindegi jedel shtaby áskerı tehnıka men arnaıy avtokólikterdi jumyldyrý arqyly josparly oqý-jattyǵýyn ótkizip jatyr.

«Qala turǵyndary men qonaqtaryna sabyrlyq tanytyp, oqý-jattyǵý sharasyna túsinistikpen qaraýǵa, sondaı-aq, shyndyqqa sáıkes kelmeıtin aqparat taratpaýǵa shaqyramyz», - delingen vedomstvonyń habarlamasynda.