Kókshetaýdyń sanıtarlyq postarynda 8 myń kólik tekserildi
KÓKShETAÝ. QazAqparat - Aqmola oblysy bas sanıtarlyq dárigeri Aınagúl Mýsına men «Aqmola - Adaldyq alańy» jobalyq keńsesiniń basshysy Samıra Táıtenova oblys ortalyǵyna kireberistegi sanıtarlyq postardyń jumysyn tekserdi, dep habarlaıdy QazAqparat tilshisi oblystyq taýarlar men qyzmetterdiń sapasy men qaýipsizdigin baqylaý departamentine silteme jasap.
Vedomstvonyń málimetinshe, Kókshetaý qalasynyń sanıtarlyq aımaǵyndaǵy perımetrler boıynsha 6 sanıtarlyq post qoıylyp, 48 qyzmetker men 6 tehnıka tartylǵan.
«Qarashanyń 13-i keshki saǵat 20:00 den bastap qarashanyń 14-i saǵat 20:00 aralyǵynda sanıtarlyq postardan 8777 avtokólik tekserildi. Onyń ishinde 7912 jeńil avtokólik, 271 jolaýshylar avtokóligi, avtobýstar, 594 júk kólikteri. 321 kólik arnaıy turaqqa qoıyldy. 17274 jolaýshy tekserildi. Koronavırýs ınfektsııasynyń belgileri tabylǵan joq», - deıdi vedomstvodan.
