Kókshetaýdyń «Oqjetpes» FK joldastyq kezdesý ótkizdi
KÓKShETAÝ. QazAqparat - Kókshetaýdyń "Oqjetpes" fýtbol klýby el birinshiliginiń 30-shy týrynda "Taraz" komandasymen ótetin oıynǵa daıyndyq retinde joldastyq kezdesý ótkizdi, dep habarlaıdy QazAqparat tilshisi.
Kókshetaýlyqtar bul joly saparrıng əriptes retinde petropavldyń "Qyzyl-Jar SK" komandasymen joldastyq kezdesý ótkizip, aldaǵy sheshýshi oıynǵa daıyndyqtaryn pysyqtady.
Kókshelikter bul oıynǵa dýblerlerdi de tartty. Joldastyq degen ataýy bolmasa, oıyn tartysty ótti. Qos komanda da jeńiske bastar joldy izdeýmen boldy. Birinshi taımnyń sońyndaǵy urymtal sətterdiń birinde Igor ıÝrındi shalyp jyqqany úshin tóreshi petropavldyqtardyń qaqpasyna 11 metrlik aıyp soqysyn belgiledi.
Osy múmkindikti utymdy paıdalanǵan komanda sur mergeni Əlibek Bóleshov múlt ketpedi. Esep kókshetaýlyqtardyń paıdasyna 1:0.
Ekinshi 45 mınýt ta alma-kezek shabýylmen órbidi. Birinshi mınýttaǵy jaǵdaı qaıtalandy dese de bolady. Tek, bul joly aıyp soqqysy oqjetpestikterdiń qaqpasyna qaraı baǵyttaldy. Roman Pavınıchtiń shirene tepken dobyn "Oqjetpes" qaqpashysy Mıhaıl Golýbnıchıı qaqpaǵa darytpady. Komandalar qansha tyrysqanymen oıyn sońyna deıin tablodaǵy esep ózgermedi.
Jalpy, 1 taımda "Oqjetpes" klýby tarapynan Golýbnıchıı, Abdýlın, Adyrbekov, Gogýa, ıÝrın, Goshkoderıa, Dosmaǵambetov, Volkov, Horvat, Kozlov, Bóleshev alańǵa shyqsa, ekinshi kezeńde Tsoı, Matveev, Shaff, Nedashkovskıı, Kýksın, Daıyrov, Lebedev, Battalov, Qýanyshbekov, Shımanskıı alańnan kórindi.
Eske sala keteıik, qazannyń 15-i kúni "Oqjetpes" fýtbol komandasy "Tarazben" kezdesedi.
