Kókshetaýdyń «Oqjetpes» FK aldaǵy kezdesýin óz alańynda ótkizedi
KÓKShETAÝ. QazAqparat - Kókshetaýdyń «Oqjetpes» FK kelesi oıynyn óz alańynda ótkizetin bolady. Bul týraly búgin Qazaqstannyń kásibı fýtbol lıgasynyń dırektory Pavel Demıannyń Kókshetaýǵa jumys sapary barysynda aıtyldy, dep habarlaıdy QazAqparat tilshisi fýtbol klýbynyń saıtyna silteme jasap.
Pavel Demıan jergilikti «Oqjetpes» FK stadıonynyń alańyna jańadan tóselgen jasańdy jamylǵynyń sapasy men talapqa saı bolýyn baqylap kórdi. Inspektsııa sheshimimen jańa fýtbol alańynyń Qazaqstannyń kásibı fýtbol lıgasynyń talabyna saı dep bekitildi.
Bul ıgi is Aqmola oblysynyń ákimi Málik Myrzalınniń qoldaýynyń arqasynda júzege asyrylyp otyr. Aımaq basshysy «Oqjetpes» stadıonyna jasandy jamylǵyny tóseý protsessterin bastan-aıaq óz baqylaýyna alyp, qadaǵalap otyrdy.
Málik Keńesbaıuly birneshe ret stadıonda bolyp, jóndeý jumystarynyń sapasy men qarqynyn baqylady.
Nátıjesinde Kókshetaýlyqtar súıikti komandasynyń oıynyn ózderinde tamashalaı alatyn bolyp otyr.
QR Premer lıgasynyń 30-týrynda «Oqjetpes» fýtbolshylary óz alańynda «Taraz» komandasyn qabyldaıdy. Kezdesý 15 qazan kúni saǵat 15:00 bastalady. Stadıonǵa kirý tegin.
