Kókshetaýdyń irgesinde 5 jel generatory salynýda
KÓKShETAÝ. QazAqparat - Aqmola oblysynyń Krasnoıar kentinde jel elektr stansasyn salý jobasy júzege asyrylýda, dep habarlaıdy QazAqparat tilshisi.
«Qulager» atshabarynyń mańynda salynyp jatqan «VetroInvestKókshetaý» JShS jobasynyń quny 1,7 mıllıard teńgeni quraıdy. Nysandy keler jyly aıaqtaý josparlanǵan.
«Barlyǵy 5 jel generatorynyń qurylysy júrip jatyr. Onyń ərqaısysynyń qýaty - saǵatyna 750 KVt. Barlyq qondyrǵynyń jalpy qýaty saǵatyna 3,2 MVt quraıdy. Qazirgi kezde montajdaý jumystary júrip jatyr. Keler jyldyń jazynda jobany iske qosý josparlanyp otyr», - deıdi qurylys ýchaskesiniń basshysy Ashat Jaqsybergenov.
Jobada qarastyrylǵandaı, jel elektr stansasy iske qosylǵan kezde elektr qýatyn basty tutynýshy Kókshetaý qalasy bolady.
