Kókshetaýdyń Gorkıı dańǵyly Nursultan Nazarbaev esimimen atalatyn boldy
Al, keshe naýryzdyń 20-da Qazaqstan Respýblıkasyndaǵy jergilikti memlekettik basqarý men ózin-ózi basqarý týraly» Qazaqstan Respýblıkasy Zańynyń 10-babyna sáıkes Kókshetaý qalasynda Aqmola oblystyq máslıhatynyń kezekti otyzynshy sessııasy ótti.
Sessııanyń qaraýyna «Aqmola oblysynyń Kókshetaý qalasynda kóshelerdi qaıta ataý týraly» másele engizilgen bolatyn.
««Qazaqstan Respýblıkasynyń ákimshilik-aýmaqtyq qurylysy týraly» Qazaqstan Respýblıkasynyń 1993 jylǵy 8 jeltoqsandaǵy Zańyna jáne Respýblıkalyq onomastıka komıssııasynyń 2019 jylǵy 20 naýryzdaǵy qorytyndysy negizinde Aqmola oblysynyń ákimdigi QAÝLY ETEDІ jáne Aqmola oblystyq máslıhaty ShEShІM QABYLDADY:
1. Aqmola oblysynyń Kókshetaý qalasynda Maksım Gorkıı dańǵyly Nursultan Nazarbaev dańǵyly dep qaıta atalsyn.
2. Osy Aqmola oblysy ákimdiginiń qaýlysy men Aqmola oblystyq máslıhatynyń sheshimi Aqmola oblysynyń Ádilet departamentinde memlekettik tirkelgen kúninen bastap kúshine enedi jáne resmı jarııalanǵan kúninen bastap qoldanysqa engiziledi», dep kórsetilgen Aqmola oblystyq máslıhatynyń habarlamasynda.