Kókshetaýdyń eń sulý qyzy anyqtaldy
KÓKShETAÝ. QazAqparat - 23 jastaǵy Ekaterına Efımenko «Mıss Kókshetaý-2018» baıqaýynyń təjin kıdi, dep habarlaıdy QazAqparat tilshisi.
Baıqaý erejesine saı arýlar sahnada shyǵarmashylyq, ıntellektýaldyq qabiletterin kórsetti, sondaı-aq kollektsııalyq kıim men keshki kóılek úlgisi tanystyrdy.
Astana qalasynyń 20 jyldyǵyn merekeleý sheńberinde uıymdastyrylǵan XVIII óńirlik baıqaýdyń aqtyq kezeńine ótken aqylyna kórki saı 8 arý qatysyp, baq synady. Baıqaýda Sh.Ýəlıhanov atyndaǵy Kókshetaý memlekettik ýnıversıtetiniń magıstranty, «Premera» shoý-baletiniń qatysýshysy jəne «Arlan» hokkeı klýby qoldaý tobynyń jetekshisi Ekaterına Efımenkonyń baǵy jandy. Endi ol baıqaýdyń respýblıkalyq kezeńinde Aqmola oblysynyń namysyn qorǵaıtyn bolady.
Qazylar alqasynyń kóńilinen shyqqan Dana Bektenova birinshi vıtse-mıss ataǵyna ıe boldy.
Eske sala keteıik, byltyrǵy jyly ótken «Mıss Kókshetaý-2017» baıqaýynda Sh.Ýálıhanov atyndaǵy Kókshetaý memlekettik ýnıversıtetiniń fılologııa jáne pedagogıka fakýltetiniń stýdenti 18 jastaǵy Aına Jumabaeva jeńimpaz atanǵan edi.
I
