Kókshetaýdyń ákimi muqtaj jandar úshin qan tapsyrdy
«Kókshetaý qalasynyń ákimi qan donory atandy. 18 aqpanda qala ákimi Ermek Marjyqpaev muqtaj jandar úshin plazma tapsyrdy. Ermek Marjyqpaevtyń qan toby keńinen taralǵan ІІ-top jáne rezýs-faktory oń. Búgin qan tapsyra otyryp, Ermek Boranbaıuly bir adamnyń ómirin saqtap qaldy nemese ǵumyryn uzartýǵa septigin tıgizdi», - delingen jazbada.
Óz kezeginde qala ákim kókshetaýlyqtardy qan donorlyǵyna qosylýǵa shaqyrdy.
«Meniń oıymsha, árbir adam qan tapsyrýy kerek. Óıtkeni ómirde ártúrli jaǵdaılar oryn alady. Tótenshe jaǵdaı bolǵan kezde zardap shekken adamdarǵa sırek kezdesetin qan toby kerek bolýy múmkin. Al ondaı qan kerek jaǵdaıda bolmaýy múmkin. Adamdar múmkindiginshe bir-birine kómek kórsetýden bas tartpaýy kerek,» - dep atap ótti Ermek Marjyqpaev.
Statıstıka boıynsha ómirinde árbir úshinshi adam qan quıýǵa muqtaj bolady.
«Ár adam aǵzasynda 5 lıtr qan bar ekeni bizge málim. Qan quıý túrli apattardaǵy kúıik pen jaraqattar alǵan adamdar úshin ǵana kerek emes, sonymen qatar qıyn ota jasaý jáne aýyr bosaný kezinde de kóp mólsherde qajet. Qanǵa kóbinese leıkoz jáne gemofılııa sııaqty onkologııalyq aýrýlarmen aýyratyn adamdar muqtaj bolady. Hımııaterapııa alǵannan keıin naýqas trombotsıtter, erıtrotsıtter jáne aqýyzdardyń qoryn toltyrýy tıis.
«Donor - óz qanyn bere otyryp, bir janǵa ómir syılaıtyn adam. Salmaǵy 50 kg tómen emes, jasy 18-den 60 deıingi kez-kelgen qazaqstandyq donor bola alady», delingen vedomstvonyń áleýmettik jelidegi paraqshasynda.
