Kókshetaýdaǵy JOO ujymy elorda ataýynyń Nur-Sultan dep ózgertilýin qoldaýda

KÓKShETAÝ. QazAqparat - Shoqan Ýálıhanov atyndaǵy Kókshetaý memlekettik ýnıversıtetiniń professor-oqytýshylar quramy men stýdentteri Tuńǵysh Prezıdent - Elbasy Nursultan Nazarbaevtyń esimin Astana qalasyna berý týraly tarıhı sheshimdi biraýyzdan qoldady, dep habarlaıdy QazAqparat tilshisi.

Bul týraly joǵary bilim ordasynda ótken is-sharada aıtyldy. Іs-sharada bilim ordasynyń professor-oqytýshylar quramy men stýdentteri elorda ataýynyń Nur-Sultan dep ózgertilýin jyly qabyldap, Elbasy týraly óz pikirlerin aıtty.

Oqý ordasynyń prorektory Amanaı Seıtqasymov jáne «Jas Otan» jastar qanatynyń jetekshisi Qurmanbek Ádilet Elbasynyń táýelsiz memleket qurý jolyndaǵy eren eńbekteri men onyń osy joldaǵy atqarǵan ıgi isterin aıta kelip, Ult kóshbasshysynyń barasha qazaq eli úshin qosqan úlesi zor ekenine toqtaldy.

«Búginde Elbasymyzdyń kóregen de sarabdal saıasatynyń arqasynda jańa táýelsiz memleket qurylyp, tabysty jetistikterge jetti. Qazaq elin barsha álem tanyp otyr. Máńgilik elimizdiń júregi bolyp tabylatyn Astana qalasynyń ataýy Nur-Sultan bolyp ózgertilýine tolyq negiz bar, ári keleshek urpaqqa úlken mártebe dep bilemiz», - dep atap ótti Shoqan Ýálıhanov atyndaǵy Kókshetaý memlekettik ýnıversıtetiniń prorektory Amanaı Seıtqasymov.