Kókshetaýdaǵy jármeńkede 75 tonna azyq-túlik satyldy
«TsÝM» saýda úıiniń aldynda uıymdastyrylǵan jərmeńkede usynylǵan azyq-túlik baǵasy qala bazarlary jáne dúkenderimen salystyrǵanda 15-20 paıyz arzanǵa satyldy. Sol sebepti tańǵy saǵat toǵyzda bastalǵan jármeńkede halyqtyń qarasy kóp boldy. Qala turǵyndary jumyrtqa, et, sút, kartop jáne un ónimderin molynan satyp aldy.
Əkimdiktiń málimeti boıynsha, bul joly jármeńkege 50 túrli 75,6 tonnadan astam azyq-túlikgi ákelingen. Olardyń jalpy quny 79,7 mıllıon teńgeni quraıdy.
«Jərmeńkege 36 tonnaǵa jýyq et pen shujyq, 4,5 tonna balyq, 152 myń dana jumyrtqa, 6 tonnadan astam sút jáne sút ónimderi, 12 tonna un ónimderi, 6,5 tonna kattop jáne ózge de aýyl sharýashylyǵy ónimderi jetkizildi», - dep túsindirdi əkimdiktegiler.
Eske sala keteıik, jaqynda Nur-Sultan qalasynyń Ortalyq kommýnıkatsııalar qyzmetinde ótken brıfıngte aımaq basshysy Ermek Marjyqpaev əleýmettik mańyzy zor azyq-túlik taýarlarynyń, onyń ishinde áleýmettik nan baǵasynyń ósýine jol berilmeıtindigin aıtqan bolady. Nan baǵasyn turaqtandyrý maqsatynda turaqtandyrý qory, memlekettik-jekeshelik əriptestik sheńberinde aýyl sharýashylyǵy ónimderiniń azyq-túlik jərmeńkesin jıi ótkizip turý qajettigi aıtyldy.
