Kókshetaýdaǵy jalǵyz soǵys ardageri qalanyń Qurmetti azamaty atandy
Aqmola oblystyq ishki saıasat basqarmasynyń málimetinshe, óńirde Jeńistiń 77 jyldyǵyn merekeleýge arnalǵan birqatar is-sharalar ótti. Oblys ortalyǵynda Abylaı han alańynda «Er esimi - el esinde!», «Beıbitshilik terezeleri», «Jeńis» mýzykalyq aktsııalary, oblystyń úzdik shyǵarmashylyq ujymdarynyń oryndaýyndaǵy «Urpaqqa uran bolǵan Uly Jeńis!» tetarlandyrylǵan qoıylym usynyldy. Onlaın-formatta «Batyrlaǵa taǵzym» aktsııasyna da oblys turǵyndary belsendi qatysty.
Saltanatty is-shara aımaq basshysy Ermek Marjyqpaevtyń qatysýymen Talǵat Bıgeldınov pen Málik Ǵabdýllınniń 100 jyldyǵyna arnalǵan «Eshkim de, eshnárse de umytylmaıdy» atty ekinshi dúnıejúzilik soǵys batyrlarynyń eskertkishterine gúl shoqtaryn qoıý rásimimen bastaldy. Onda aımaq basshysy qazaqstandyqtardyń, onyń ishinde aqmolalyqtardyń Uly Jeńiske qosqan úlesin erekshe atap ótti. Jalpy, 71 aqmolalyq Keńes Odaǵynyń Batyry ataǵyna ıe bolǵan.
«Kókshetaýda qalǵan jalǵyz soǵys ardageri Kazımır Beımartqa saltanatty túrde «Kókshetaý qalasynyń Qurmetti azamaty» ataǵy berildi», - dedi vedomstvodan.
Aıta ketsek, Aqmola oblysynan maıdanǵa 90 myń adam qatysty, 37 myńnan astam adam oraldy. Qazirgi tańda oblysta 10 soǵys ardageri turady.
