Kókshetaýdaǵy jərmeńkede 43 mln teńgeniń azyq-túligi saýdaǵa shyǵaryldy
KÓKShETAÝ. QazAqparat - Kókshetaýda «Altyn ǵasyr» saýda úıiniń aldynda arzan azyq-túlik ónimderiniń jármeńkesi ótkizildi, dep habarlaıdy «QazAqparat» HAA tilshisi.
Jármeńkege Aqkól, Atbasar, Jaqsy, Bulandy aýdandary jáne oblys ortalyǵyndaǵy aýyl sharýashylyǵy taýarlaryn óndirýshiler qatysty. Jármeńkeni aımaq basshysy Məlik Myrzalın aralap kórip, azyq-túlik baǵasy men sapasyna nazar aýdardy.
Jərmeńkede usynylǵan azyq-túlik baǵasy qala bazarlary jáne dúkenderimen salystyrǵanda 15-20 paıyz arzanǵa satyldy. Sol sebepti tańǵy saǵat toǵyzda bastalǵan jármeńkede halyqtyń qarasy kóp boldy. Qala turǵyndary jumyrtqa, et, sút, kartop jáne un ónimderin molynan satyp aldy.
«Bıylǵy jyly osymen úshinshi ret osyndaı jərmeńkege kelip otyrmyn. Azyq-túlik ónimderiniń baǵasy kóńilge qonymdy. Sıyr etiniń kelisin 1250 teńgeden, qazdyń etiniń kelisin 1200 teńgeden satyp aldym», - deıdi Kókshetaý qalasynyń turǵyny.
Sonymen qatar, aýdandardan at terletip kelgen aýyl sharýashylyǵy taýarlaryn óndirýshilerdiń de kóńil-kúıi kóterińki boldy.
«Biz ərıne, oblys ortalyǵyna óz ónimderimizdi əkelgenge qýanamyz. Munda saýda ornyna aqsha tólemeımiz. Eń bastysy qalalyqtardyń bizdiń taýarlarǵa suranysy joǵary», - deıdi Jaqsy aýdanynan kelgen saýdager.
Əkimdiktiń málimeti boıynsha, bul joly jármeńkege 40 túrli azyq-túlik ákelingen. Olardyń jalpy quny 43 mıllıon teńgeni quraıdy.
«Jərmeńkege 22 tonnaǵa jýyq et pen shujyq, 5 tonna balyq, 150 myń dana jumyrtqa, 6 tonnadan astam sút jáne ózge de aýyl sharýashylyǵy ónimderi jetkizildi», - dep túsindirdi əkimdiktegiler.
Eske sala keteıik, jaqynda oblys əkimdiginde ótken májiliste əleýmettik mańyzy zor azyq-túlik taýarlary baǵasynyń ósýine jol bermeý sharalary talqylanǵan edi. Onda baǵany turaqtandyrý maqsatynda óńiraralyq aýyl sharýashylyǵy kooperatsııalaryn nyǵaıtý, memlekettik-jekeshelik əriptestik sheńberinde aýyl sharýashylyǵy ónimderiniń azyq-túlik jərmeńkesin jıi ótkizip turý qajettigi aıtyldy.
