Kókshetaýdaǵy uzyn-sonar kezek: Ákim jaǵdaıdy baqylaýyna aldy
KÓKShETAÝ. QazAqparat - Aqmola oblysynyń ákimi Ermek Marjyqpaev Kókshetaýdaǵy avtobýsta tegin júrý kartasyn úılestirý jumystaryn jeke baqylaýyna aldy, dep habarlaıdy QazAqparat tilshisi.
1 qarashadan bastap Kókshetaýda qalaishilik baǵyttaǵy avtobýsta júrý aqysyn tóleýdiń jańa júıesi engizildi.
Alaıda, tólem kartalaryna turǵyndardyń barlyǵy birdeı qol jetkizgen joq. Jeńildikteri bar kókshetaýlyqtar avtobýsta tegin júrý kartasyn alý úshin uzyn-sonar kezekte turýǵa májbúr.
Osyǵan baılanysty aımaq basshysy E.Marjyqpaev Kókshetaý qalalyq jumyspen qamtý jáne áleýmettik baǵdarlamalar bóliminde bolyp, jaǵdaımen tanysyp jáne bul máseleni tez arada sheshýdi tapsyrdy.
«Kokshe Bus Tolem» JShS kóliktik kartany tirkeý jáne berý júrgizip jatqan Kókshetaý qalalyq jumyspen qamtý bóliminde boldym. Aldaǵy aptanyń dúısenbisinen bastap, «Kokshe Bus Tolem» JShS kóliktik kartany basyp shyǵaratyn qosymsha 5 prınter jumysyn qamtamasyz etedi. Másele, jeke baqylaýyma alyndy», - dep jazady Ermek Marjyqpaev óziniń áleýmettik jelidegi paraqshasynda.
Aıta ketsek, kóliktik kartalardy úlestirýmen aınalysatyn «Kokshe Bus Tolem» JShS-niń mamandarynyń aıtýynsha, bastapqyda 1,5 myń adam avtobýsta tegin júrý múmkindigin alýy tıis bolsa, keıin qalalyq máslıhat depýtattary jeńildikpen jol júrýge quqyǵy bar azamattar sanattaryn 13-ten 15-ke deıin kóbeıtti. ıAǵnı, 9 myń adam avtobýsta tegin júrý kartasyn alýy kerek. Jeńildetilgen kólik kartalaryn atalmysh sanattaǵy turǵyndarǵa úlestirý jumystarynyń keshigip, uzyn sonar kezektiń bolýyna da osy sebep bolyp otyr.