Kókshetaýdaǵy tóbeles: Vıdeobaqylaý kamerasynyń arqasynda er adam aman qaldy
KÓKShETAÝ. QazAqparat - Kókshetaýda polıtseıler vıdeobaqylaý kamerasynyń arqasynda er adamdy aman qalyp qaldy, dep habarlaıdy QazAqparat tilshisi Aqmola oblystyq Polıtsııa Departamenti baspasóz qyzmetine silteme jasap.
Vedomstvonyń málimeti boıynsha, búgingi kúni Kóshetaý qalasynda 130 astan vıdeokamera ornatylǵan. 2019 jyldyń basynan beri bul vıdeobaqylaý kameralaryna 80 astam qylmys tirkelgen.
Sonyń biri, Abaı kóshesiniń boıynda oryn alǵan buzaqylyq Kókshetaý qalalyq PB jedel basqarý ortalyǵynyń vıdeobaqylaý kamerasyna túsip qalǵan.
«Mamyrdyń 21-inde Kókshetaý qalalyq Polıtsııa bólimi jedel basqarý ortalyǵynyń kezekshi ınspektory kóńil kóterý ornynan shyqqan jastardyń ózara jaǵa ustasyp qalǵanyn jáne úshinshi jigitke kúsh qoldanǵanyn baıqaıdy. Tóbeles kósheniń ortasynda bolǵandyqtan jol qozǵalysymen birge qoǵamdyq tártipti buzýshylardyń ózderiniń ómirine de qaýip tóngen.
Kezekshi ınspektordyń aqparaty boıynsha dereý oqıǵa ornyna «Ásker-2» jol-patrýldik ekıpajy jetti. Polıtseıler jedel járdem qyzmetin shaqyryp, 24 jáne 25 jastaǵy kúdiktilerdiń soqqysyna ushyraǵan qalanyń 44 jastaǵy turǵynyna kómek kórsetti. Qazirgi kezde zardap shegýshi Aqmola oblystyq aýrhanasyna jatqyzyldy. Al kúdiktiler ýaqytsha ustaý oqshaýlaǵyshyna qamalyp, tergeý amaldary júrgizilýde», - deıdi vedomstvodan.
Aıta ketý kerek, JBO ınspektorlarynyń beınemonıtorıng jasap otyrýy polıtseılerge aýyr qylmystardy jedel anyqtaýǵa jáne kúdiktilerdi izdestirýge, kóshe qylmysymen jáne ákimshilik quqyqbuzýshylyqtarmen kúresýge múmkindik beredi.
