Kókshetaýdaǵy Táýelsizdik alańynda koronavırýsqa qarsy ekpe salynýda
KÓKShETAÝ. QazAqparat - Kókshetaýda mereke kúnderi jyljymaly medıtsınalyq keshen jumys isteýde. Táýelsizdik alańynda turǵan keshende kókshetaýlyqtarǵa COVID-19-ǵa qarsy ekpe salynýda, dep habarlaıdy QazAqparat tilshisi.
«Otbasylyq densaýlyq ortalyǵy» bólimshesiniń meńgerýshisi Juldyz Saparbaevanyń aıtýynsha, atalǵan medıtsınalyq keshen, mobıldi brıgadalar, sondaı-aq qalalyq emhana men oblys ortalyǵynyń iri saýda núktelerindegi kabınetter qala turǵyndary úshin 1-3 mamyr aralyǵynda saǵat 9:00-den 17:00-ge deıin túski úzilissiz qyzmet kórsetedi.
Osyǵan deıin osyndaı jyljymaly keshenniń is-sharalardyń arqasynda bir jumys kúni ishinde 1300-den astam adam ekpe alǵan.
«Vaktsınatsııa kezinde bizdiń mamandar men medıtsına qyzmetkerleri patsıentterge keńes beredi, olar qandaı janama áserlerge tap bolýy múmkin ekenin túsindiredi. Bizde vaktsınanyń birinshi komponentin alǵan adamdar 21 kúnnen keıin qalalyq emhanaǵa nemese otbasylyq densaýlyq ortalyǵyna ekinshi komponentke júgine alady», - dep bólisti Juldyz Saparbaeva.
