Kókshetaýdaǵy saýda úıine «jarylǵysh zat» qoıǵan soltústikqazaqstandyq ustaldy
KÓKShETAÝ. QazAqparat - Kókshetaýdaǵy saýda úıine "jarylǵysh zat" qoıǵan soltústikqazaqstandyq ustaldy, dep habarlaıdy "QazAqparat" HAA tilshisi oblystyq ІІD baspasóz qyzmetine silteme jasap.
Polıtseılerdiń málimeti boıynsha 2017 jyldyń 1-shi qańtarynda Aqmola oblysynyń ІІD kezekshilik bólimine Soltústik Qazaqstan oblysynyń ІІD kezekshilik bóliminiń polıtseıi habarlasqan. Kórshi oblystyń polıtseıiniń aıtýynsha, SQO TJD kezekshilik bólimine belgisiz er adam qońyraý shalyp, Kókshetaýdaǵy saýda oryndarynyń birine jarylǵysh zat qoıylǵanyn aıtqan.
"Osyǵan oraı, Aqmola oblystyq ІІD jedel tergeý toby men jarylǵysh zatty anyqtap, zalalsyzdandyratyn tehnıkter atalǵan saýda úıine jetti. Alaıda, izdestirý sharasy barysynda eshqandaı jarylǵysh zat tabylmady. Sonymen qatar, saýda orny jabyq bolǵandyqtan adamdardy qaýipsiz jerge shyǵarý da qajet bolmady.
Degenmen, jedel izdestirý sharasy barysynda jalǵan "bomba" qoıǵan SQO Sarybulaq aýylynyń 26 jastaǵy turǵyny anyqtalyp, qolǵa tústi", dep kórsetilgen habarlamada.
Qazirgi kezde, aıypty kinəsin moıyndap, ústinen QR QK 273 baby boıynsha qylmystyq is qozǵaldy. Atalǵan sanktsııa boıynsha kináli adam 6 jylǵa deıin bas bostandyǵynan aıyrylýy múmkin.
