Kókshetaýdaǵy pənder olımpıadasyna 350-den astam oqýshy qatysýda
KÓKShETAÝ. QazAqparat - Kókshetaýda 350-den astam oqýshynyń qatysýymen pənder olımpıadasy ótýde, dep habarlaıdy «QazAqparat» HAA tilshisi óńirlik kommýnıkatsııalar qyzmetine silteme jasap.
Aǵymdaǵy jyldyń 4-7 qańtar kúnderi aralyǵyna josparlanǵan olımpıada oıyndary Kókshetaý qalalyq №3 daryndy balalarǵa arnalǵan oblystyq mamandandyrylǵan mektep-ınternaty men №18 orta mektebiniń bazasynda ótip jatyr.
Jarysqa oblystyń 17 aýdany men Kókshetaý, Stepnogor qalalarynan jáne 4 daryndy balalarǵa arnalǵan oblystyq mamandandyrylǵan mektep-ınternattarynan aýdandyq kezeńniń jeńimpazdarynan quralǵan barlyǵy 378 oqýshy qatysýda.
Olımpıada qazaq tili jáne ádebıeti, orys tili jáne ádebıeti, Qazaqstan tarıhy, quqyqtaný negizderi, aǵylshyn tili, nemis tili, frantsýz tili, matematıka, ınformatıka, fızıka, hımııa, bıologııa, geografııa pánderi boıynsha ótýde.
Olımpıada jeńimpazdary Kókshetaý qalasynda jaratylystaný-matematıkalyq tsıkldaǵy pánder boıynsha jáne Petropavl qalasynda gýmanıtarlyq tsıkldaǵy pánder boıynsha ótetin Respýblıkalyq olımpıadaǵa qatysady dep josparlanǵan.
