Kókshetaýdaǵy orta mektepke 18 mıllıonnan astam teńgeniń sertıfıkaty tapsyryldy
KÓKShETAÝ. QazAqparat - Búgin Kókshetaýda pedagogıka qyzmetkerleriniń dástúrli tamyzdyq plenarlyq keńesi ótti.
Oǵan QR Bilim jáne ǵylym vıtse-mınıstri Bıbigúl Asylova, oblys ákimi Sergeı Kýlagın men onyń orynbasarlary, óńirdegi aýdandar men qalalardyń ákimderi, salalyq departamentter men basqarmalardyń basshylary, jergilikti bilim ordalarynyń basshylary men ustazdary qatysty.
Shara barysynda óńir basshysy 2015 jyldyń qorytyndysyn shyǵaryp, jańa oqý jylynda alda turǵan mindetterdi belgiledi.
Saltanatty jaǵdaıda eń úzdik ustazdar men bilim ordalary oblys ákiminiń alǵys haty, aqshalaı syılyqtarmen marapattalyp, olarǵa qurmet kórsetildi. Onyń ishinde «orta bilim beretin úzdik uıym» oblystyq baıqaýynda top jarǵan Kókshetaý qalalyq №6 orta mektebine 18 287 200 teńgeniń sertıfıkaty tapsyryldy.
