Kókshetaýdaǵy órt: Úsh balanyń taǵy bireýi kóz jumdy
KÓKShETAÝ. QazAqparat – Kókshetaýda órtengen páterden qutqarylǵan úsh qyzdyń ekinshisi kóz jumdy, dep habarlaıdy QazAqparat tilshisi.
«Denesiniń 80-y termııalyq kúıik alǵan 2013 jyly týǵan qyz bala keshe saǵat 23:50 kóz jumdy», - dedi Aqmola oblystyq densaýlyq saqtaý basqarmasynyń baspasóz qyzmetinen QazAqparat tilshisiniń saýalyna.
Eske salsaq, 13 maýsym kúni keshke Kókshetaýdyń Saryarqa shaǵyn aýdanyndaǵy 14/3-úıdiń ekinshi qabatyndaǵy páterden órt shyqqan edi. Órt kezinde páterde úsh qyz bala boldy. Onyń ekeýin kórshileri qutqarýshylar kelgenshe syrtqa alyp shyqty, al, úshinshisin órt sóndirýshiler qutqardy. Qyzdardyń 2010 jáne 2013 jylǵy ekeýi 3-4 deńgeıli termııalyq kúıik alǵan, ıaǵnı denesiniń 80 jáne 90 paıyzy kúıip qalǵan. Dárigerler olardyń jaǵdaıy asa aýyr, ómirlerine qaýip tónip turǵan aıtqan bolatyn.
Al, úshinshi - 2015 jylǵy qyz bala Aqmola oblystyq kópbeıindi balalar aýrýhanasyna jetkizilgenshe kóz jumdy. Onyń denesiniń 90 paıyzdan astamy kúıgen.
