Kókshetaýdaǵy monshada 3 bala ýlanyp qaldy
KÓKShETAÝ. QazAqparat - Kókshetaýdaǵy monsha kesheninde 7, 9 jáne 17 jas aralyǵyndaǵy úsh bala ýlanyp qaldy, dep habarlaıdy QazAqparat tilshisi.
Oblystyq polıtsııa departamentiniń málimetinshe, oqıǵa 23 qazanda bolǵan.
«Aqmola oblystyq kópbeıindi aýrýhanasyna «hımııalyq zatpen ýlaný» dıagnozymen 7, 9 jáne 17 jastaǵy kámelettik jasqa tolmaǵan úsh bala jetkizildi. Osy oqıǵaǵa baılanysty Qylmystyq kodekstiń 306-shy babynyń 2-bóligi «...qaýipsizdik talaptaryna saı kelmeıtin jumystardy oryndaý nemese qyzmetterdi kórsetý» boıynsha sotqa deıingi tergeý bastaldy. Sot-medıtsınalyq saraptamalar taǵaıyndaldy», - dedi vedomstvodan.
