Kókshetaýdaǵy Qylshaqty ózenindegi sýdyń deńgeıi túsip jatyr

«17 naýryz saǵat 13:00 jaǵdaı boıynsha, ózendegi sýdyń deńgeıi 20 sm túsip, 2,3 metrdi qurady. Sý basqan jerde jáne Qylshaqty ózeniniń boıynda jergilikti atqarýshy organdar, jergilikti polıtsııa qyzmeti jáne tótenshe jaǵdaılar bólimi kezekshilik uıymdastyrýda.

Turǵyn úı kesheni men áleýmettik nysandarǵa sýdy jibermeý maqsatynda Qylshaqty ózeniniń jaǵasyn kúzetý jáne tazartý jumystary júrgizilýde. Osy baǵytta naýryzdyń 16-da Qylshaqty ózeni men Qopa kólinde 855 sharshy metr aýmaqta 125,4 keli jarylǵysh zat paıdalandy», - deıdi Aqmola oblystyq TJD bastyǵy Alekseı Sovetov.

Tótenshe jaǵdaıdyń zardaptaryn joıýǵa TJD jeke quramynan 59 adam jáne 7 tehnıka, 1 júzý quraly tartyldy. Jergilikti atqarýshy organdardan 30 adam jáne 15 tehnıka, PD 8 adam jáne 2 tehnıka jumyldyryldy.

Aıta keteıik, búgin túńgi saǵat 03:10 qardyń erýine baılanysty Qylshaqty ózenindegi sý deńgeıi kóterildi. Qazirgi kezde sý deńgeıi 2,5 metrge jetti, al qaýipti deńgeıi 3,2 metrdi quraıdy. Osyǵan baılanysty turǵyn úılerdi sý alyp qalý qaýipi týyndady.