Kókshetaýdaǵy kópqabatty úıdiń qabyrǵasyna Abaıdyń alyp sýreti salyndy
Strıt-art kompozıtsııasymen árlengen sýrette qolyna qalamy men kitabyn ustaǵan aqyn beınelengen. Sýrette aqynnyń «Áýelde bir sýyq muz – aqyl zerek» óleńiniń «Aqyl, qaırat, júrekti birdeı usta. Sonda tolyq bolasyń elden bólek» bir shýmaǵy keltirilgen.
Portretti jergilikti «Design city» kompanııasynyń sýretshileri saldy. Sýret nobaıynyń avtory Kámılá Ábisheva, al ony júzege asyrǵan graffıtıst Ernur Sársekeev.
Qala turǵyndarynyń aıtýynsha, strıt-art sýreti qala kelbetine kórik berip qana qoımaıdy, ony kórgen adamnyń uly aqynnyń shyǵarmashylyq ónerine qyzyǵýshylyǵan arttyrady.
«Abaı kóshesiniń boıyndaǵy turǵyn úıdiń qabyrǵasyna aqynnyń sýreti salynǵandyǵy qýantady. Alyp sýretti kórgen adam aqynnyń shyǵarmashylyǵymen birge, elimizdiń tarıhyna da kóz júgirtedi dep senemin», - deıdi qala turǵyny Gúlnaz Nyǵmetjanova.
Aıta keteıik, osyǵan deıin habarlaǵanymyzdaı, Kókshetaýda túrǵny úılerdiń qabyrǵalaryna tarıhı tulǵalardyń sýretin salý qolǵa alynǵan bolatyn.