Kókshetaýdaǵy Qopa kólinen brakonerler qurǵan 2,5 shaqyrymnan astam aý tabyldy
Vedomstvonyń málimetinshe, 16 qyrkúıek kúni Kókshetaýdaǵy Qopa kólinde Aqmola oblysy mamandandyrylǵan tabıǵat qorǵaý prokýratýrasy qalalyq polıtsııa basqarmasynyń qyzmetkerlerimen birlesip, jalpy uzyndyǵy 2,5 shaqyrym zańsyz qurylǵan 27 aýdy anyqtady.
«Zańsyz aýlanǵan balyqtar erkindikke jiberildi, balyq aýlary joıyldy. Polıtsııa organdary ony zańsyz qurǵandardy anyqtaýda», - dep málim etti vedomstvoda.
Sondaı-aq, Aqmola oblysy mamandandyrylǵan tabıǵat qorǵaý prokýratýrasynyń bastamasymen ýákiletti organdar brakonerlerge qatysty faktilerdi anyqtaý úshin basqa da sharalar júrgizip jatyr.
«Jyl basynan beri polıtsııa qyzmetkerleri men Aqmola oblystyq orman sharýashylyǵy jáne janýarlar dúnıesi aýmaqtyq ınspektsııasy Ań aýlaý erejelerin buzǵany úshin 220 adamdy, al balyq aýlaý erejesin buzǵany úshin 420 adamdy jaýapqa tartty», - dep atap ótti óńirdiń prokýratýrasynyń baspasóz qyzmeti.
Avtory Oksana Matasova