Kókshetaýdaǵy gaz jarylysy: Dáriger zardap shekken adamnyń jaǵdaıy týraly aıtty
KÓKShETAÝ. QazAqparat - Kókshetaýda bes qabatty turǵyn úıde gaz-aýa qospasynyń jarylýy saldarynan zardap shekken adamnyń jaǵdaıyn dárigerler ortasha aýyrlyq dárejesi retinde baǵalaıdy, dep habarlaıdy QazAqparat tilshisi.
Aqmola oblystyq kópbeıindi aýrýhanasy dırektorynyń orynbasary Dmıtrıı Chaıkovtyń aıtýynsha, aýrýhanaǵa jarylystan keıin kúıik shalǵan áıel túsken.
«Onyń jaǵdaıy ortasha aýyrlyqta. Denesiniń 20 paıyzyn (aıaqtaryn) kúıik shalǵan. Ol esin biledi, jaǵdaıy turaqty, jalpy palataǵa jatqyzyldy. Naýqas barlyq qajetti emdi tolyq kólemde alýda», - dedi D.Chaıkov.
Al, ekinshi zardap shegýshi aýrýhanaǵa jatqyzylǵan joq.
Eske sala ketsek, keshe Kókshetaý qalasynyń Kóktem shaǵyn aýdanyndaǵy bes qabatty turǵyn úıde gaz jaryldy. Odan eki adam zardap shekti.
