Kókshetaýdaǵy aýyl sharýashylyǵy jármeńkesi: 74 mln teńgeniń ónimi saýdaǵa shyǵaryldy

KÓKShETAÝ. QazAqparat - Kókshetaý qalasynda oblystyń aýyl sharýashylyǵy taýar óndirýshileri jáne «Kókshe» áleýmettik kásipkerlik korporatsııasy» aktsıonerlik qoǵamynyń qatysýymen azyq-túlik jármeńkesi ótti, dep habarlaıdy QazAqparat tilshisi.

Táýelsizdik alańynda uıymdastyrylǵan jármeńkege Arshaly, Astrahan, Bulandy, Jarqaıyń, Jaqsy, Egindikól, Esil, Ereımentaý, Qorǵaljyn aýdandary men Kókshetaý qalasynan barlyǵy 80-nan astam aýyl sharýashylyǵy taýar óndirýshileri jalpy quny 74 mıllıon teńge bolatyn 71 tonnaǵa jýyq ónim ákeldi.

«Jármeńkede azyq-túlik ónimderi naryq baǵasynan 10-15 paıyz arzanǵa satyldy. Sonyń ishinde 18,5 tonna et jáne shujyq ónimi, 2 tonna balyq, 3,7 tonna sút jáne sút ónimi, 140 dana jumyrtqa, 2,9 tonna un, 16 tonna kartop pen kókónis jáne ózge de ónimder bar», - dedi Aqmola oblystyq aýyl sharýashylyǵy basqarmasynan.

Jármeńkeni arnaıy baryp kórgen Aqmola oblysy ákiminiń orynbasary Málǵajdar Tátkeev azyq-túlik baǵasy men sapasyna jáne alýan túrliligine aýdardy.

Sondaı-aq, óńir basshysynyń orynbasary áleýmettik mańyzy bar azyq-túlik taýarlarynyń baǵasyn baqylaýda ustaýdy tapsyrdy.

Aıta ketsek, budan buryn aqmolalyq dıqandar bıyl 5,2 mln gektar jerge dán sebýdi josparlap otyrǵanyn jazǵan edik.