Kókshetaýdaǵy apat: 6 balanyń úsheýi jansaqtaý bóliminde jatyr
KÓKShETAÝ. QazAqparat - Kókshetaýda gaz ballony jarylyp zardap shekken alty balanyń, úsheýi jansaqtaý bólimshesinde jatyr, dep habarlaıdy QazAqparat tilshisi Aqmola oblystyq densaýlyq saqtaý basqarmasyna silteme jasap.
Vedomstvonyń málimetinshe, zardap shekkender 2004, 2006, 2007, 2010, 2011, 2013 jylǵy balalar, sondaı - aq, 1976 jáne 1980 jylǵy eresekter.
«Alty balanyń 16 ,14 jáne 7 jastaǵy úsheýi jansaqtaý bólimshesinde jatyr. Olardyń denesiniń kúıik shalý deńgeıi 50, 40 jáne 25 paıyzy», - dep aıtty vedomstvonyń baspasóz qyzmeti QazAqparat tilshisiniń saýalyna.
Aıta keteıik, 20 jeltoqsan saǵat 21:14 shamasynda Vasılkovska shaǵynaýdanyndaǵy kópqabatty turǵyn úıdiń birinshi qabatytndaǵy páterde gaz ballony jarylǵan bolatyn. Odan segiz adam zardap shegip, (onyń altaýy bala) aýrýhanaǵa jatqyzyldy.
