Kókshetaýdaǵy 100 keli baýyrsaq tegin úlestirildi
KÓKShETAÝ. QazAqparat - Búgin Kókshetaýda ótken Ulystyń uly kúni aqmolalyqtar úshin merekelik sharaǵa toly boldy.
Qaladaǵy ortalyq saıabaqtyń kire beris tusynda Aqmola oblysynyń jastar saıasaty máseleleri jónindegi basqarmasynyń janyndaǵy oblystyq jastar resýrstyq ortalyǵymen qatarynan 3 jyl uıymdastyrylyp otyrǵan «Baýyrsaq patı» atty baýyrsaq shoý baǵdarlamasy merekeniń kórigin qyzdyra tústi.
Saıys baǵdarlamasy boıynsha qatysýshylar «Sizge tileımin», «Dámdi baýyrsaq» tárizdi kezeńderden múdirmeı ótýi tıis.
Saıys sońynda qatysýshylarǵa túrli syılyqtar berilip, 100 keli baýyrsaq tegin úlestirildi. 
