Kókshetaýdaǵy mektepterdiń biri qurylys jumystaryna ketetin shyǵyndy negizsiz ulǵaıtqan
KÓKShETAÝ. KAZINFORM – Qala aýmaǵyndaǵy mektepterdiń birine 1,5 mlrd teńge somasyna kúrdeli jóndeý jumystaryn satyp alý josparlanǵany anyqtaldy, dep habarlaıdy Aqmola oblystyq prokýratýrasynyń baspasóz qyzmeti.
Baspasóz qyzmetiniń málimetterine qaraǵanda atalǵan zańsyzdyqtar Kókshetaý qalasynyń prokýratýrasy bıýdjet jáne memlekettik satyp alý zańnamasynyń saqtalýyna, sondaı-aq memlekettik qarajattyń tıimdi jumsalýyna taldaý barysynda anyqtalǵan.
-Taldaý barysynda qala aýmaǵyndaǵy mektepterdiń birine 1,5 mlrd teńge somasyna kúrdeli jóndeý jumystaryn satyp alý josparlanǵan. Sonymen qatar, jobalaý-smetalyq qujattamany zerdeleý nátıjesinde joba qunynyń negizsiz ulǵaıtylǵany belgili boldy. Bul túzetý koeffıtsıentiniń durys qoldanylmaýyna baılanysty oryn alǵan, sonyń saldarynan qurylys quny jasandy túrde arttyrylǵan,-delingen habarlamada.
Kókshetaý qalasy prokýratýrasynyń aktisi negizinde atalǵan memlekettik satyp alý rásimi qurylys qunyn tómendetý maqsatynda qaıta qaraý úshin toqtatyldy. Nátıjesinde bıýdjet qarajatynyń tıimsiz jumsalýyna jol berilmedi.
Atalǵan baǵyttaǵy jumystar áli júrip jatyr.
Osyǵan deıin Almaty oblysynda prokýratýranyń memleket pen bıznes múddesin qorǵaǵany týraly jazdyq.
