Kókshetaýdaǵy kásiporynda jumysshy qaıtys boldy

KÓKShETAÝ. KAZINFORM – Kókshetaýdaǵy kásiporynda jumys istegen er adam bıiktikten qulap, alǵan jaraqatynan oqıǵa ornynda kóz jumdy.

14 shildede jedel járdem stantsııasynyń feldsheri polıtsııaǵa qala kásiporyndarynyń birinde bolǵan jazataıym oqıǵa týraly habarlaǵan.

- Syrlaý jumystaryn júrgizgen 54 jastaǵy er adam astyndaǵy baspaldaq synǵannan keıin bıiktikten qulady. Jumysshy basynan alǵan jaraqatynan oqıǵa ornynda qaıtys boldy. Qazaqstan Respýblıkasy Qylmystyq kodeksiniń 156-babynyń 3-bóligi boıynsha sotqa deıingi tergeý bastaldy. Sot-medıtsınalyq saraptama taǵaıyndaldy, - dep habarlady Aqmola oblysy PD.

Sonymen qatar memlekettik eńbek ınspektory tekseris júrgizedi.

Aıta keteıik, Aqtóbede lokomotıv deposynyń aýmaǵyndaǵy oqıǵadan soń eki jumysshy mert boldy.