Kókshetaýdaǵy beketten janarmaı quıyp shyqqan kólikter kúre jolda toqtap qaldy
ASTANA. KAZINFORM — Kólik ıelerine janarmaı quıý beketi basshylyǵynyń keltirilgen zalaldy óteý mindettemesin rastaıtyn kepildik hattary berildi.
Júrgizýshiler áleýmettik jelide sapasyz benzınge shaǵym aıta bastady.
Belgili bolǵandaı, Zerendi kúre jolyna shyǵa beristegi janarmaı quıý beketinde janarmaı quıǵannan keıin birneshe kólik joldyń dál ortasynda turyp qalǵan. Júrgizýshiler kólikterin tastap, qalaǵa jaıaý qaıtýǵa májbúr bolǵan.
Kókshetaý kásipkerlik jáne aýyl sharýashylyǵy departamenti janarmaı quıý beketi basshylyǵy usynǵan aqparat negizinde 15 kólik sapasyz janarmaıdan zardap shekkenin anyqtady.
— Barlyq kólik janarmaı júıesin tazalaý úshin tehnıkalyq qyzmet kórsetý stansalaryna jiberildi. Kólik ıelerine janarmaı quıý stantsııasy basshylyǵynyń keltirilgen zalaldy óteý mindettemesin rastaıtyn kepildik hattary berildi, — delingen málimdemede.
Buryn habarlanǵandaı, Qazaqstandaǵy benzınge qatysty shaǵymdardan keıin janarmaıdyń munaı óńdeý zaýytynan janarmaı quıý stantsııasyna deıingi joly tekserilip jatyr.
Premer-mınıstr Oljas Bektenov sapasyz benzın saldarynan kólik buzylǵanda shyǵyndy kim óteıtinin aıtty.
