Kókshetaýda jylytý maýsymy kún jylynǵanǵa deıin jalǵasady
KÓKShETAÝ. QazAqparat - Kókshetaýda jylytý maýsymy kún jylynǵanǵa deıin jalǵasatyn bolady, dep habarlaıdy QazAqparat tilshisi.
Kókshetaý qalasy ákimdiginiń baspasóz qyzmetinde habarlaǵandaı, qaladaǵy jylytý maýsymy aýa raıyna baılanysty 1 mamyrda aıaqtalmaıdy, ıaǵnı táýliktik ortasha temperatýra +8/+10 gradýs shamasynda turaqtalǵanǵa deıin jalǵasatyn bolady.
Qazirgi ýaqytta oblys ortalyǵynda aýa temperatýrasy mınýs - 2 gradýs shamasynda.
Eske sala keteıik, sáýirdiń 29-nan 30-na qaraǵan túni Aqmola oblysynyń soltústik óńirlerinde, atap aıtqanda, Kókshetaý qalasynda qar jaýdy. «Qazgıdromet» RMK-nyń Aqmola oblysy boıynsha fılıaly málim etkenindeı, 1 mamyr kúni keı jerlerde jaýyn-shashyn bolýy yqtımal.
