Kókshetaýda jylý qazandyǵy jarylyp, 65 jastaǵy jumysshy kúıip qaldy
KÓKShETAÝ. QazAqparat – Kókshetaýda órt qaýipsizdigi tehnıkasynyń saqtalmaýynan eki tótenshe jaǵdaı oryn aldy, dep habarlaıdy QazAqparat tilshisi oblystyq tótenshe jaǵdaılar departamentiniń baspasóz qyzmetine silteme jasap.
«Búgin oblys ortalyǵyndaǵy Soltústik ónerkásip aımaǵyndaǵy bir jaýapkershiligi shekteýli seriktestiginiń aýmaǵynda qatty otynmen jaǵylatyn qazandyq jaryldy. Saldarynan 65 jastaǵy jumysshy 1-shi dárejeli kúıik alyp, aýrýhanaǵa tústi. Sońǵy málimet boıynsha, pesh jaǵýda qaýipsizdik erejesi saqtalmaǵan» dedi vedomstvodan.
Sonymen qatar, oblys ortalyǵyndaǵy kópqabatty turǵyn úıdegi páterde gaz ballony jaryla jazdady.
Abyraı bolǵanda, páter ıesi ballondy syrtqa shyǵaryp, órt sóndirýshilerge kelgenshe ballonǵa kóbik shashyp úlgerdi.
