Kókshetaýda jyl sońyna deıin alty kóppáterli turǵyn úı tapsyrylady

KÓKShETAÝ. QazAqparat - Bıylǵy jyldyń 10 aıynda Kókshetaýda 170 myń sharshy metr kommertsııalyq jáne áleýmettik turǵyn úı nemese 1000 astam páter paıdalanýǵa berildi. Onyń 67 300 sharshy metri jergilikti atqarýshy organdarda kezekte turǵan 160 adamlarǵa arnalǵan.

Bul týraly jýrnalaıstermen ótken brıfıngte Kókshetaý qalasynyń ákimi Baýyrjan Ǵaısa málim etti, dep habarlaıdy QazAqparat tilshisi.

Kókshetaýda turǵyn úı qurylysyna salynǵan ınvestıtsııalar 20 mıllıard teńgeni nemese ótken jyldyń deńgeıine qaraǵanda 160 paıyzdy qurady. Qurylys jumystarynyń kólemi 23 mıllıard teńge.

«Esepti kezeńde 170 myń sharshy metr kommertsııalyq jáne áleýmettik turǵyn úı nemese 1 000-nan astam páter paıdalanýǵa berildi. Onyń ishinde 67 300 sharshy metri jergilikti atqarýshy organdarda kezekte turǵan 160 adamdarǵa arnalǵan. Onyń ishinde 32 páter – jetim balalarǵa, 20 páter – kópbalaly analarǵa, 108 páter – halyqtyń áleýmettik osal toptaryna tıesili», - dep atap ótti qala basshysy.

Sonymen qatar, oblys ortalyǵynyń medıtsına qyzmetkerlerine arnalǵan 40 páterli úı paıdalanýǵa berildi.

Qala basshysynyń aıtýynsha, «Nurly jer» memlekettik baǵdarlamasyn júzege asyrý aıasynda aǵymdaǵy jyldyń sońyna deıin Kókshetaýda qosymsha alty úı nemese 265 páter tapsyrý josparlanǵan.