Kókshetaýda jýrnalıster alleıasy paıda boldy
KÓKShETAÝ. KAZINFORM – Kókshetaýda jýrnalıster alleıasy paıda boldy. Ondaǵy 37 túp aǵash elimizdegi BAQ ataýymen jáne jýrnalıstıka ardagerleriniń esimderimen atalady.
Alleıa Kókshetaý qalasynyń ortalyǵyndaǵy alańqaıda ornalasqan. Onyń ashylýyna Aqmola oblysy ishki saıasat basqarmasynyń qyzmetkerleri, sondaı-aq respýblıkalyq jáne jergilikti BAQ ókilderi qatysty. Allıaeda Kazinform halyqaralyq aqparat agenttiginiń aǵashy da otyrǵyzyldy.
«Búkil elimiz boıynsha, onyń ishinde bizdiń oblysymyzda ekologııalyq aktsııasy ótip jatyr. Osy shara aıasynda ishki saıasat basqarmasynyń bastamasymen jýrnalısterdiń ataýly alleıasy ashyldy. Búgin otyz jeti túp aǵash otyrǵyzdyq. Aktsııa jalǵasyn taýyp, jasyl jelekte jańa esimder men ataýlar paıda bolady, - dedi Aqmola oblysy ishki saıasat basqarmasy basshysynyń orynbasary Gúlmıra Kárimova.
Aıta ketsek, óńirde 25 sáýirden bastap eldi mekenderdi abattandyrý jáne sanıtarlyq tazartý boıynsha kóktemgi aılyq ótip jatyr. Oǵan barlyǵy 62579 adam jáne 677 tehnıka jumyldyrylǵan. Aılyq barysynda 16186 aǵash pen buta otyrǵyzyldy, eldi mekenderden 71,5 myń tekshe metr kúl-qoqys shyǵaryldy. Kópqabatty 673 turǵyn úıdiń aýlasy tazartylyp, 131 saıabaq pen skverler retke keltirildi jáne 128 stıhııalyq qoqys polıgony joıyldy.
Aıta ketsek, budan buryn Kókshetaýda 9 myńǵa jýyq aǵash otyrǵyzylǵanyn jazǵan edik.