Kókshetaýda «Jomart júrek-2019» syılyq ıegerleri marapattaldy

KÓKShETAÝ. QazAqparat - Aqmola oblysynda «Jomart júrek-2019» syılyǵynyń 50-den astam laýreattary marapattaldy, dep habarlaıdy QazAqparat tilshisi.

Kókshetaýda ótken sharaǵa Aqmola oblysy ákiminiń orynbasary Aına Mysyrálimova qatysyp, quttyqtaý sóz sóıledi.

«Rýhanı jańǵyrý» baǵdarlamasy bul Qazaqstan Respýblıkasynyń Tuńǵysh Prezıdenti - Elbasynyń baǵdarlamalyq maqalasy qazaqstandyqtardyń rýhanı qundylyqtaryn jańǵyrtýǵa baǵyttalǵan. Onyń ishinde «Týǵan jer» jobasy azamattar men bıznesmenderdiń birlesip jergilikti jerdegi məseleni sheshý, jalpyulttyq patrıotızmdi nyǵaıtý baǵytynda mańyzdy», - dedi A.Mysyrálimova.

Aımaq basshysynyń orynbasary atap ótkendeı, atalmysh baǵdarlama sheńberinde aqmolalyqtar tarapynan kóp ıgi isterge qol jetkizildi. Óńir kásipkerleri kóptegen áleýmettik máseleni sheshýge atsalysty. Solardyń arasynda Jarqaıyń aýdanyndaǵy «Jarqaıyń» JShS dırektory Vıtalıı Kamyshanskıı, Atbasar aýdanyndaǵy «Shýıskoe HHІ» JShS dırektory Altynbek Qurmanqulov respýblıkalyq «Jomart júrek» syılyǵyna ıe boldy. Jalpy, oblys boıynsha jyl ishinde «Rýhanı jańǵyrý» baǵdarlamasy sheńberinde 2748 joba júzege asyrylǵan.

Saltanatty sharada «Jomart júrek-2019» syılyǵynyń 50-den astam laýreattary túrli atalymdar boıynsha marapattaldy.