Kókshetaýda jolǵa júgirip shyqqan jasóspirimdi kólik qaǵyp ketti
«Bıylǵy tamyzdyń 16-da saǵat 11:04-te Kókshetaý qalalyq polıtsııa basqarmasynyń jedel baqylaý ortalyǵynyń ınspektorlary beınebaqylaý kamerasy arqyly Pýshkın kóshesindegi №6 úıge qarama-qarsy, «Bambıno» dúkeniniń janynda jasóspirimdi avtokólik soqqanyn baıqady. Dereý sol mańdy patrýldep júrgen ekıpajaǵa habarlandy», - deıdi PD baspasóz qyzmeti.
Belgili bolǵandaı, Soltústik Qazaqstan oblysynyń 32 jastaǵy turǵyny basqarǵan Toyota Land Cruiser kóligi joldyń ruqsat etilmegen tusynan júgirip ótpek bolǵan jasóspirimdi qaǵyp ketken. Saldarynan zardap shekken jasóspirim «ıyqtyń jabyq synyǵy, oń aıaǵy tizesiniń synýy jáne shyǵýy» dıganozymen oblystyq balalar aýrýhanasyna jatqyzyldy.
«Qazirgi kezde osy oqıǵaǵa baılanysty Qylmystyq kodekstiń 345 babynyń 2 bóligi «Kólik quraldaryn basqaratyn adamdardyń jol qozǵalysy nemese kólik quraldaryn paıdalaný erejelerin buzýy» boıynsha sotqa deıingi tergeý amaldary júrgizilýde», - dep tolyqtyrdy vedomstvodan.
Aıta ketsek, budan buryn «Astana-Petropavl» tasjolynda jeńil kólik bulandy soǵyp ketkendigin jazǵan edik.
